في ذمتكـ في غ ــيبتي مآآ تضآآيقت ..؟

في ذمتكـ في غ ــيبتي مآآ تضآآيقت ..؟


في ذمتك في غيبتي ماتضايقت ؟؟



اكذب على نفسي ليا قلت ماشتقت
........... واكذب عليك ان قلت ماضاق بالي
ايه والله اني من غيابك تضايقت
........... مثل الذي عزوه بفراق غالي
تدري وش اللي من ضميري به احرقت
........... عينن تهل الدمع كل ماطرالي
قلب ٍ شكى فرقاك مع دورت الوقت
........... بين الضلوع العوج أثريه صالي
للحين انا من غيبتك مابعد فقت
........... انطر متى تبرق مزون الخيالي
لامرني طاريك من ضيق دنقت
........... اخاف من دمعي ولاني بخالي
في غيبتك تدري للاحزان عانقت
........... والشوق يسري بي واشوفك اقبالي
شفني كسير الحال وشلون صدقت
........... شخصن حكى فيني وياما حكالي
ماشفتني لاغبت عن ناظري ضقت
........... واشفق على لقياك ياراس مالي
جسر المحبه إنهدم عقب ماسقت
........... رجلك على درب الجفا والتعالي
قبل الموادع بسألك عقب مارقت ؟؟
........... دامك رحلت اليوم جاوب سؤالي
في ذمتك في غيبتي ماتضايقت ؟؟
........... والا جرالك بالهوى ماجرالي ..!!

لا تحرمونا من الردود يا الغوالي

يعطيك الف عافيه ياقلبي

تقبلي مروري